homenaxe de eira vella á República

O pasado 14 de abril Eira Vella realizou a homenaxe anual diante da placa colocada pola entidade cultural que lembra aos betanceiros vítimas da represión franquista de 1936, situada na entrada ao Museo das Mariñas e que é réplica da que o Centro Betanzos de Buenos Aires colocara na súa sede.

No acto, con presencia de varios familiares das vítimas, leuse un manifesto dos 80 anos da República, un par de poemas, os nomes completos das vítimas e algúns que non figuran na placa, tocouse o hino de Riego e o de Galicia polo músico Xosé Taboada e realizouse unha ofrenda floral.

Ao asistentes entregouselles unha postaliña cos nomes das vítimas e unha ilustración do betanceiro Manuel Crestar alusiva á represión franquista en Betanzos.

Na prensa…

Betanzos – Un activo de 83 años y un día, polifacético, cortés y solícito

Betanzos rinde homenaje a Xulio Cuns, uno de sus mayores activistas culturales

Outubro 2010

      DO DÍA 19 AO 30

EXPOSICIÓN BIO-BIBLIOGRÁFICA

 Na Sala de Exposicións do Edificio Arquivo.

     DÍA 23.

ENCONTRO ARTÍSTICO-LITERARIO. 

Na Aula Municipal de Cultura.

    20:00 horas. Coa participación de actores, músicos, escritores, amigos e a Banda  Municipal de Betanzos

Charla-Coloquio o día 4 de xuño.

 

O vindeiro venres  4 de xuño terá lugar a charla coloquio “As fosas de Aranga. A represión franquista en 1936”, coa participación dos historiadores: Xesús Torres, Eliseo Fernández e Manuel Pérez Lorenzo.

 O acto terá lugar ás 20,30 h na Sala Azul do Edificio Arquivo falarase da represión franquista do 36 e presentarase ao público a investigación, levada a cabo recentemente por un equipo de historiadores , nas fosas de Aranga, en particular, na de Vilarraso.

Participarán na charla os historiadores Manuel Pérez Lorenzo que falará da represión en Sada, Xesús Torres Regueiro da levada a cabo en Betanzos e Eliseo Fernández das realizadas en Aranga.

Este será o comezo doutras actividades que continuarán en Guitiriz o día 5 de xuño e un roteiro polos lugares da memoria o día 12 de xuño.

Organiza a CRMH de A Coruña. Colaboran Eira Vella AC e Roxín Roxal.

Tres momentos da charla…

O próximo 11 de xuño

Está prevista a presentación do novo número da revista “A Xanela”

 e a actuación musical de FUCO XABIER.