chega o día das letras galegas…

TUCHO CALVO
Escritor e xornalista, naceu en Venezuela no 1954 fillo de pais emigrantes. Traballou como xornalista en La Voz de Galicia desde 1976 ata 2010. Como escritor deuse a coñecer con Froito das lembranzas (1981). Publicou ademais as novelas PAE-Século XXI, Telúrico, Luz de abrente e O xabaril branco; os libros de relatos Astra o confín e Corazón entre desertos; o ensaio O legado xornalístico de Valentín Paz-Andrade e a biografía Valentín Paz-Andrade, a memoria do século. Tamén fixo incursións na literatura infantil con A castaña que chegou a árbore e Gatipedro.
Coordinou en La Voz de Galicia as “Páxinas literarias”, nas que se publicou por capítulos a súa novela O xabaril branco con ilustracións de Miguelanxo Prado. Dirixiu tamén a Biblioteca Galega 120, colección básica de literatura en galego, iniciativa do mesmo xornal coruñés que acadou unha gran difusión.
Con Carmela González Boó creou Biblos Clube de Lectores no 2003.

Foto Xoán G.

…coñecendo a Lois.

Agradecemento á Deputación da Coruña pola axuda concedida para este acto poético

…na voz do pobo.

O pasado venres 21 celebrouse o acto Uxío na voz do pobo, dentro da programación da asociación Eira Vella para conmemorar as Letras Galegas 2010.

No emotivo recital participaron  un grupo de rapaces e rapazas, alumnos do colexio Vales Villamarín, que puxeron voz aos versos sobre o Caurel, o lobo, a choiva e o universo de Uxío Novoneyra. De seguido, continou o recital con varios participantes, que seleccionaron un poema para a homenaxe. O acto  rematou coa lectura  da Letanía de Galicia, na que o numeroso público asistente participou.

Na voz do pobo. Recital venres 21 de maio

 Recital poético da obra de UXÍO NOVONEYRA o venres ás oito da tarde no Salón Azul do Liceo.

Letras Galegas

O VENRES 14 DE MAIO, ás 20,30 h. terá lugar a Conferencia de Anxo Tarrío sobre Uxío Novoneyra, na Sala Azul do Edificio Arquivo .

Abaixo un momento da conferencia sobre Uxío, na mesa  presentando o acto Gabriela Rodríguez e á súa dereita  o ponente Anxo Tarrío.

Páxina seguinte »